Plantun de Prouvènço

Pèr coumpara dos planto d'encò nostre

Cuscuta approximata & Brassica repanda subsp. saxatilis

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Caulet(-de-roucas)

Brassica repanda subsp. saxatilis

Brassicaceae Cruciferae

Nom en français : Chou des rochers.

Descripcioun :
Lou caulet-de-roucas se rescontro sus li cresten de colo roucaiouso d'auto Prouvènço. Es uno planto raro, endemico de Prouvènço. Tóuti li fueio, verdo, lusènto e proun descoupado soun en rouseto. En mountagno s'atrovo la subsp. repanda qu'a de fueio quàsi pas descoupado. La boudousco, proun longo (< 5 cm) èi larjo e aplatido, alor que lou bout formo d'un cop un benc. La planto èi marcado sus la listo roujo, categourìo VU (vulnerablo).

Usanço :
Lou caulet-de-roucas èi manjadis coume tóuti li caulet fèr, pamens es uno planto proutejido adounc de pas acampa.

Port : Erbo
Taio : 3 à 20 cm
Fueio : rouseto
Tipe bioulougico : Emicriptoufite
Cicle bioulougico : Planto renadivo

Gènre : Brassica
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1 à 1,2 cm
Flourido : Printems - Estiéu

Sòu : Ca
Autour basso e auto : 400 à 1200 m
Aparado : Noun
Remarco : Endemico de Prouvènço
Abriéu à juliet

Liò : Tepiero seco - Cresten venta - Marlo
Estànci : Subremediterran à Mountagnard
Couroulougi : Mediterrano-Nord-Ouèst
Ref. sc. : Brassica repanda subsp. saxatilis (DC.) Heywood, 1964

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Brassica repanda subsp. saxatilis

ges

Coumpara Péu-de-lin(-di-sepalo-lusènto) emé uno autro planto

Coumpara Caulet(-de-roucas) emé uno autro planto